ÆRESMEDLEM

i dag spelte far min korta sine dårleg, og har med det truleg mist sjansen til å verta æresmedlem i noregs mållag. han var på toppen av galdhøpiggen, men song faktisk ikkje fyrsteverset av "nordmannen" (som ufaglærte ofte omtalar som "mellom bakkar og berg". korleis kunne han gløyma han det? tapar.

Som alle veit, har han tidlegare sunge dette verset rimeleg høgt andre stader - scena i den norske opera (der han var den fyrste som song "nordmannen"), dirigentstolen i berlinfilharmonien, scena i palau i barcelona, frå talarstolen i byrådssalen i oslo rådhus, diskret langt bak i stortingssalen, og sjølvsagt på north bank på highbury.

BINGO

BESTEN 34

jaja, det var det året. 2013 vart eit år det skal verta vanskeleg å toppa. me prøver likevel, og legg ut eit nytt bilete av besten. biletet er rett nok ikkje heilt dagsferskt, men likevel: kva seier besten?

BESTEN 33

no midt i desember er me vel mange som kosar oss skikkeleg med jolekort og jolekaker og jolegåver og alt det andre som høyrer jola til. det er ikkje anna å gjera enn å stilla det vanlege spørsmålet: kva seier besten?

BESTEN 32

i bakgrunnen, like framfor garasjen, er der ei trapp. denne trappa førte tidlegare inn i eit hus, og der overnatta truleg sjølvaste ivar aasen våren 1846, då han var ute på språkreise. om nokre få dagar er det akkurat 200 år sidan aasen vart fødd, og dette vart markert med ei enkel samkome på tunet.

me spør som vanleg: kva seier besten?

SJIRAFF

AUKSJON

besten held fram moderniseringa av heimegarden. under eitt år etter at han kvitta seg med fryseboksen frå tidleg femtital, har han no like godt kjøpt seg ny bil. den nye bilen har firhjulstrekk, to lyskastarar og sentrallås, slik at han skulle vera midt i blinken.

slike bilar får ein sjølvsagt ikkje kjøpt gratis, så på vegner av besten lyser me no ut ein ny auksjon. sjølve bilen endar vel opp til spott og spe hjå ein vrakpantar, men me har sikra oss eit sett reservelyklar, og desse sender me med glede ut til høgstbydande.

BARNEHAGE 2

ein kan seia mykje rart om den nye barnehagen til tolvo, men dei har heldigvis gode løysingar for dei som korkje likar trolldeig, perling eller eventyrmåling.

NORDMØRSBESTO

nordmørsbesto har kjøpt seg mobil. ikkje uventa var det berre snakk om minutt før ho tok opp kampen med ho andre besto:

Har besøket ditt reist? Ei skal på seniortsin i dag.får er på sykehuset ennå. Kanskje han kjem heim i morgen eller fredag. Fint var . Har ete til middag om. Skal koke kafe å ha med på dansen.

BESTEN 42

han tenkte "ha! no tenkjer eg det vert slutt på all kivinga med bortigarden om kven som har dei blåaste billyktene". men kva sa han?

(dette er altså meint som ei god, gamal 'kva seier besten-oppgåve")

TELEFON

besto har nyleg kjøpt seg ny mobiltelefon, sidan det ikkje var råd å skriva punktum på den gamle. ho har gått over til nokia, sidan ho las i vekebladet familien for ein åtte-ti år sidan at nokia var den beste telefonen i heile verda.

ho prøver seg fram, slik ein gjerne gjer når ein har ny telefon. planen var å senda tekstmeldinga "dette er ein prøve" til tante K. det gjekk bra ei stund, heilt til den tredje bokstaven i det siste ordet. ho fann pikerten ikkje ø-en, slik at tekstmeldinga så langt såg slik ut: dette er ein pro. sidan ho ikkje anar korleis ho rettar skrivefeil var det berre ein ting å gjera - finna eit høveleg ord som tek til på pro. det fyrste ordet ho kom på var pronomen.
kva tante K tenkte då ho fekk denne meldinga, er så langt ukjent. men det er vel rimeleg stor sjanse for at ho undra seg over at pronomen brått var vorte eit hankjønnsord.

REGNBOGE

fem på tolvo har nett teke til i ny barnehage, mest av politiske grunnar. ho har vore der to dagar, og så langt ser det ut til å vera eit godt val.

SERIESTART

det er snart på tide med litt fotballsjåing igjen. eg og onklT har varma opp heile sommaren, og no, rett før det heile brakar laus, ser det ut til at alle laga har gjort seg ferdige med handel og vandel.

dette vil òg seia at det er gode tider for alle fotballpubane rundt omkring. mange av desse reklamerer flittig for det dei har å by på, slik det går klart fram av biletet over. viss du ikkje er heilt sikker på korleis du skriv league, er det jo lurt å variera litt, slik at sjansen aukar for at du får rett minst ein gong.

LOKALNYTT 7

ha - eg tippar mange trudde at den spanande serien med lokalnytt var slutt? slik er det sjølvsagt ikkje, i dag kan nettutgåva til den pålitelege lokalavisa hordaland melda følgjande, med mellomstore krigstypar:

Inga fallskjermulukke på Rykkje

gamalt lokalnytt her.

FALSK

eitt av dei store problema den siste tida har vore alle bakarane og konditorane som gjer fyller butikkane med falske kneippbrød. produsenten bakers har teke konsekvensen av dette, og sel frå no av ekte kneipp. dermed skulle det problemet vera ute av verda.

av anna nytt kan det meldast at far min, som framleis er kulturmarxist, heilt på eiga hand har funne ut at viss ein stokkar om på bokstavane til han tempelriddaren det står ein del om i avisene no for tida, får ein breivik bin gerhardsen. dette til orientering.

TURISTAR

det er ikkje lett å ta sylskarpe bilete på lyntoget mellom voss og hønefoss, men likevel: når det er behov for slike skilt, kan det ikkje vera tvil om at det ikkje er nsb-passasjerane som treng eit nytt nsb, det er nsb som treng nye passasjerar.

og det er jo påfallande at før "framstegs"partiet vart skipa fanst det aldri slike skilt på todoar.

UNGARN 4

besto: Me har tenkt oss på folklorekveld litt for varmt helsar me går ut 1915

UNGARN 3

besto er ustoppeleg:

på+veg+til+orfu der me festa for å eta resta hels folket

UNGARN 2

fersk oppdatering frå ungarnferien til besto og besten:

Godt og varmt solheimane fornektar seg

Ikkje dei talte på 1jærsk 2engelsk 3tysk og 4ungarsk alle på same tida slik nokre setn om gngen åse hadde hadde lært nokre ord og uttrykk av ein ung musikar dansen var ein rkuffelse diskomusikk av högaste styrke og vel så det no må eg kle meg me skal på badin me drikk vatn i flaskevis godt over 3o gr f i n by og me slekta vert saman bus på same hotell helsar frå far som nett slo augo opp

UNGARN

besto og besten legg som vanleg ferien til eit land der gamalkommunistar vert mottekne som gamalkommunistar. i år står ungarn for tur, og no sende nett besto inn denne meldinga:

Me har kome vel fram lite soving tross god seng og aircomd skal sjå litt av byen idag i kyrkja kl 18 alle er her i huset litt vel varmt

- - -

guffemerknad: aircomd er hunden til besto