trugne lesarar veit at eg ved to høve (her og her) har vurdert alle tøydyra mine. begge gongene har radarparet bø og bæ hevda seg bra.bø er han til venstre, og det er han eg er mest oppteken av. når eg ligg og sprellar på golvet i stova, og det gjer eg ofte, hender det rett som det er at mor mi kastar mat eller andre godbitar ned til meg. når ho vil ha fred lenge, som til dømes når tv2 sender idol, kastar ho ned desse to tøysauane til meg. det fyrste eg gjer, kvar einaste gong, er å kle av bø. i det siste har eg teke til å lura på a) kvifor eg er så oppteken av å kle av sauer, og b) kvifor det heile tida er den mannlege sauen eg kler av.
Ingen kommentarer:
Legg inn en kommentar